Peter en de Wolf in het Drents
Peter en de Wolf in het in het Drents is een samenwarkingspreject van het Noord-Drents
kamerorkest Divertimento, Kunst & Cultuur Drenthe en het Huus van de Taol.
Prejectbeschrieving
Het muzikale sprookie Peter en de Wolf wordt instudeerd deur het Drents kamerorkest Divertimento,
dat under leiding stiet van Bert Lammers. Dit zal gebeuren in het najaor van 2007 en de eerste
maonden van 2008. Van de verteltekst wordt een Drentse versie maakt, die geschikt is veur de
taol van de gemiente Aa en Hunze. Kunst & Cultuur Drenthe (Marinus Scholten), Huus van Taol
(Jan Germs) en Divertimento (Bert Lammers) stelt een boekie + warkboekie samen dat gebroekt
worden kan um in klassenverbaand aandacht te schenken an Peter en de Wolf en het Drents.
Dit kan zien worden as een veurbereiding op het ofslutende concert. In het warkboekie wordt
een cd opneumen. Um de lesgevers van de groepen 5 en 6 hierop veur te bereiden wordt der een
bijeenkomst veur heur organiseerd. In dizze coachingsbijienkomst wordt de dinger naoder oetstukt
en de doelstellings verdudelijkt. In het warkboekie wordt in elk geval ien nei Drentstaolig lied
opneumen, dat veurofgaond an het concert an de kinder anleerd wordt. Tiedens de oetvoering zult
kinder (elementen oet) dit lied herkennen. Het preject wordt ofsleuten met een oetvoering van
Peter en de Wolf deur het Drents kamerorkest Divertimento. Tiedens dit concert zal Harm Dijkstra
de verteller weden.
Verhaal
Het sprookie giet over Peter. Zien opa wil niet hebben, dat e de tuun oet giet, maor hie döt het toch.
Hie zöt de kat die prebeert een vogelie te vangen. Dat lukt niet. Zien opa rop Peter en waorschouwt
hum dat der wolven in de buurt bint. Peter trekt zuch der niet veul van an en giet toch weer op pad.
Hie zöt een hongerige wolf de bos oet kommen, die ien van de eenden oet de viever opvret. Peter
klimt in een boom en vrag aan het vogelie um de wolf of te leiden. Undertussen lat Peter een touw
umdeel zakken en bindt dat um de steert van de wolf. De wolf giet achter het vogelie an en begunt
daorum um de boom hen te rennen. Zo trekt e zuchzölf aal vaster en vaster. Oeteindelijk komt der
een groep jagers oet de bos. Zie vangt de wolf en brengt hum naor de dierentuun.
 
De oetvoering
Op zundagmiddag 20 april 2008 is het preject ofsleuten met twei oetvoeringen van
Peter en de Wolf in het Drents in sporthal De Goorns in Gieten. Het eerste concert
van half drie is bijwoond deur umdebij 325 kinder, olders, lesgevers, begeleiders en
geneudigden. Bij de tweide oetvoering waren ongeveer 425 mèensen anwezig. De
750 bezukers hebt niet allén vollop geneuten van het fantastische concert van
Divertimento. De drentstaolige verteller Harm Dijkstra vervulde zien rol gloepens goed.
De combinatie verteller orkest was hiel mooi en daorbij waren de veurbereiders ok
weer niet over ien nacht ies gaon. Een zaoterdag en een aovend lang is de juuste
combinatie van spreken en musiceren derin slepen. Wieder was het verhaal van
Peter en de wolf ok nog te volgen op een groot beeldscherm van vief bij vief meter.
Hierop weurden de prachtige tiekeningen van Ron Verbrugge projecteerd.
Refrein Drèents
Tekst en muziek: Harm Dijkstra
Agenda
voorstelling Peter en de Wolf in het Drents
Meer weten........
Nao het oetpreberen van Peter en de wolf in het drents in de gemiente Aa en Hunze wilt
Divertimento, Kunst en Cultuur Drenthe en het Huus van Taol het preject ok geern in
aandere gemientes doen gaon. Schoelmeesters, directeuren, cultuurambtenaren enz. kriegt
der informatie over. Aj meer weten wilt over Peter en de wolf in het Drents kuj zölf ok
contact opnimmen. Doe dat maor met Jan Germs:
Dit e-mailadres is beschermd tegen spambots. U heeft Javascript nodig om het te kunnen zien.
of (0593) 371011
Teksten: Jan Germs
Illustraties: Ron Verbrugge
|
